今日心情好好，住多一日，就可以出院喇，中午鍾生黎同我食飯，我提議上醫院餐廳食。我地慢慢行去搭lift，我揀左張近窗既檯，出面好好陽光，好耐冇見過咁好陽光喇！真係令人好開心。

下晝亞媽、細佬、老豆黎探我，佢地坐左好耐，有講有笑。

去到夜晚，我自己一個食飯，因為鍾生上晝黎既時候唔舒服，個樣好似快死過我咁，所以叫佢夜晚唔好黎喇，休息下吧啦！

今晚好靜，我隔離果個亞婆出在院，頓時成個大病房都好寧靜，真係覺得好舒服，我靜靜咁坐在登上睇電視，今晚做金馬獎！

每晚醫生都問我要唔要訓覺藥，我每晚都話唔使，但每晚我都訓得好差，今晚我問左姑娘拎黎預備訓前食，姑娘叮囑我去哂洗手間先好食，好似好嚴重咁喎！

今晚我好早就休息，11點半就熄燈訓覺。

3點鐘比姑娘嘈醒左，諗住去尿尿，嘩.....成身冇力，有少少迷惘feel，d訓覺藥好利害呀！

搖搖下先返番去張床度，一訓就去到7點幾喇！真係好後悔之前幾晚冇聽醫生講食訓覺藥訓覺呀！